፩ ዓሰርተ ሓሙሸተ’ዮም ኢሎምዎም፡ ሽሕ ዕጽፍታት’ዚ ቍጽሪ ክነሶም፣ ሓመድ ተነጺፎም ተተርኢሶም እምኒ፡ ቃላቶም ዕንጋሎ ከርሲ፡ ‘ትረፍ ንእዝኒ። ፈሊጦም፤ ስጋ ሓላፊ ስም ተራፊ፡ ንጐድኖም ክደልዩሉ ቈጽሊ መዕረፊ፡ ነታ ዘንጊ ሓቂ ክዀኑ ምርኵሳ ብቝሊ ቅንዕናኦም ተባሂሉ ኣበሳ። ፪ ገለ ይብሉ፡ “ኣጐምጅዩዎም ኰረሻ፣

ን’ሓት ናፍቖት ዘቐምሰሎም ሕጻናት ኣጓብዞም ዝነጸፉ ኣዳራሻት ቁሸታት ሓዳር ሕልሚ ዝዀነን ጐራዙ ሕጽኖት ሓንቲ ለይቲ ዝጓዓዙ ብግዜ ዝቋመር ዝርካቡ ሰብኣይ ዕብራን ኣደ ዘይትምነዮ ንኣባይ እግሪ ታንክ ዝፈሓሮም ገጻት ቍሪ ዘንጸለን ስድራ–ቤታት ብቐትሩ ዝገሃሙ ፍሩያት ፈዛዛት ኣዒንቲ ምብራቕ ዘየለልዩ ኣእምሮ፡ ‘ትርፎ

ወዲ እልፉ ብዓል ሓሞት ኣንበሳ ቀጺዑ ብሞት ፋረ ምስ ተተልበበ ሽዑ’ዩ ስሙ ዝሃበበ። ልእልቲ ‘ሉ ከይሓደመ ብግናዕ ኢዱ ኣናገላደመ ኣእትዩ ጓል መስፍን ድላያ ኣቢሉ ዕፍን። ብላዕ ክትብሎ ኵላ ብግዲ፤ ኢደ-ሰባር ኰይኑ ህጡር ዓውዲ ቆፎ ኣምባሂቝ ብጥልቁዕ ከብዲ፣ መዓር ኣንጠብጢቡ ኣይነፈገን

እታ ኳዕናን ወርሒ ድምጽኻ ተቃልሕ መሪሓ ኣእምሮይ ምስልኻ ትገልህ፣ ዜማ ድምጽኻ፣ ናይ ዓይንኻ ሰም-ቍሊሕ ኣፍስስ እተብለለይ ወትሩ ክትበርህ ንልበይ ጸዓት’ያ፣ ብዘይ ብኣ ነይትሰርሕ። ኣብ ጁባታት ሰማይ ወርሒ የላን ሎሚ ገይራቶ ድምጽኻ ዝዓርነሰ ሕልሚ፣ ዝቕህም ኰኾብ ናይ ምስልኻ ወጅሂ፤ ዋላ ንኻልኢት