ምልሶት ንዓዲ
ን’ሓት ናፍቖት ዘቐምሰሎም ሕጻናት
ኣጓብዞም ዝነጸፉ ኣዳራሻት ቁሸታት
ሓዳር ሕልሚ ዝዀነን ጐራዙ
ሕጽኖት ሓንቲ ለይቲ ዝጓዓዙ
ብግዜ ዝቋመር ዝርካቡ ሰብኣይ
ዕብራን ኣደ ዘይትምነዮ ንኣባይ
እግሪ ታንክ ዝፈሓሮም ገጻት
ቍሪ ዘንጸለን ስድራ–ቤታት
ብቐትሩ ዝገሃሙ ፍሩያት ፈዛዛት ኣዒንቲ
ምብራቕ ዘየለልዩ ኣእምሮ፡ ‘ትርፎ ለይቲ
ተባህለ ክሰምዕ ዝውዕል እዝኒ
ንሓቂ ዝጥርጥር ሰንፈላል ልቢ
ጕልሻ ብዘይ ሓዊ ሰኽቲቱ ድስቲ
“ዓቅሊ ሓንሳብ ቀሪቡ’ዩ ቍርሲ!”
ኵምራ ዘረባ ናይ እኒእኒ ቅርሲ —
ነፋስ ዝመንኰርኰሩ ህይወት
ኣይዝሑል ኣይውዑይ ስምዒት
ናተይ‘ንዶ‘ሞ ኰይኑ ከይብሎ ቡጭ
ከይውሕጦ ድማ ሓንፊፉ ዕጭ!
3 ሕዳር፡ 2012
3 ሕዳር፡ 2012
